Argitalpen hau Deustuko Unibertsitatean euskarazko terminologia eta itzulpen juridikoa lantzen duen ikerketa- taldeak bultzatu du. Aurreko ekimenei jarraipena emanez, oraingo honetan nomografia eta arau-idazketa elebidunari buruzko lan-bilduma zabala osatu da. Horretarako esparru desberdinetako ekarpen eta iritziak bildu dira, Euskal Herrikoak zein kanpokoak, herri administrazioetakoak zein unibertsitatearen mundukoak. Andres Urrutia, Santiago Larrazabal eta Cesar Gallastegi Deustuko Unibertsitateko Zuzenbide Fakultateko irakasle eta terminologia eta itzulpen juridikoaren inguruko ikerketa- taldeko kide dira. Eneko Oregi Herri Arduralaritzaren Euskal Erakundeko Itzultzaileen Zerbitzu Ofizialeko burua da.
