No marco dunha sociedade da información inclusiva, unha sociedade da información que sexa para todos, elabórase o manual TIC para a inclusión de alumnado con necesidades específicas de apoio educativo. Nel recóllense un abano de experiencias que fan posible que toda persoa poida participar plenamente na devantita sociedade. Noutras palabras, realízase unha pequena achega dirixida á inclusión dixital, necesaria para a promoción da xustiza social e da equidade na sociedade do coñecemento.
