Cuenca Cabeza, Manuel (coord.)
Aisiazko Ikaskuntzen Institutuaren helburua da dokumentu hauen argitalpenaren bidez aisiari buruzko ezagutzak zabaltzea, aztertzeko eremu zientifiko gisa. Dokumentu bakoitzaren helburua da aisiaren praktikari lotutako gairen bati erantzutea, besteak beste kulturari, kirolari, hezkuntzari, turismoari, jolasari eta garapen pertsonal eta komunitarioari. Aipatutako arlo horietako teknikari eta espezialistek, horrela, ikerketak, lan tresnak eta unibertsitateko institutu honekin lankidetzan dihardutenen ikuspuntuak baliatu ahal izango dituzte. Dokumentu bakoitzaren edukia bere autoreen erantzukizunekoa da. Liburu honen aurkezpena Eusko Jaurlaritzaren eta Banco Santaderren laguntzari esker egin ahal izan da, Deustuko Unibertsitateko Aisia eta Jakintzako Katedrak finantzatuta.
