Arto Blanco, Mónica; Meira Cartea, Pablo Ángel
Os traballos de investigación que compoñen esta publicación foron presentados no Cuarto Seminario Compostela de Investigación en Educación Ambiental e para a Sostenibilidade celebrado os días 27 e 28 de outubro de 2008 en Santiago de Compostela. Este seminario, nas súas diferentes edicións, permitiu levar á práctica unha idea formulada nos inicios do Programa de Doutoramento Interuniversitario de Educación Ambiental: convocar un encontro periódico para facilitar o intercambio científico entre investigadoras e investigadores e coñecer as liñas e os proxectos de investigación que se están a desenvolver nas universidades participantes. As investigacións sometéronse a discusión metodolóxica e temática, contando para elo coa participación de persoas especialistas nacionais e internacionais de recoñecido prestixio no campo da educación ambiental.
