O noso obxectivo é ofrecer unha panorámica das telecomunicacións, centrándonos naqueles aspectos máis relevantes no momento actual. Presentamos os conceptos esenciais destas tecnoloxías, e describimos as infraestruturas de telecomunicacións e os servizos máis utilizados na actualidade. Ofrecemos tamén unha breve introdución á computación na nube, á Internet das cousas e á Industria 4.0, quizá os avances tecnolóxicos máis importantes que está a vivir a nosa sociedade, avances que serían imposibles sen os avances en telecomunicacións. Completamos este traballo cun glosario que recolle, a modo de prontuario de referencia básica en materia de telecomunicacións, os termos máis importantes destas tecnoloxías.
