Coa publicación do ALGa, o Instituto da Lingua Galega quere presentar ó mundo científico unha mostra da realidade actual da lingua galega, tradicionalmente ignorada e mal coñecida polos romanistas; ademais, quere contribuir á dignificación e á normalización da lingua propia de Galicia. Este terceiro volume céntrase na realidade fonética actual. O material primario sobre o que se elaboraron os mapas que integran este volume está constituído polas 167 enquisas realizadas en todo o territorio de fala galega entre os anos 1974 e 1976 por Rosario Álvarez Blanco,Francisco Fernández Rei e Manuel González González.
