Fotokazetaritzari buruzko eskuliburu honek argazkigintzaren alde praktikoa eta unibertsitate-mailako teoria biltzen ditu. Argazkigintzan interesa dutenek argazkiak ateratzeko teknika eta konposizio-arauak aurkituko dituzte, baita irudi-artxiboak antolatu eta tratatzeko azalpenak ere, adibideekin. Era berean, argazkiak argitaratzeko hainbat baliabide zehazten da. Fotokazetaritza ikasi gura dutenek haren historia eta fotokazetarien lanak ezagutu ahal izango dituzte, ikuspegi europarrari jarraikiz, euskarazko fotokazetaritzaren garapena azalduz. Azkenik, fotokazetaritzaren teorian sakontzeko, hausnarketa teorikoen inguruko azken eztabaidak jasotzen dira, hala nola "fotoegia" eta manipulazioa, edo objektibotasuna eta egiantzekotasuna, fotokazetariek ez ezik, kazetariek ere fotokazetaritzaren oinarriak mendera ditzaten, albisteak haien osotasunean lantzerakoan, ikus-informazioak ere bere eginkizuna egoki bete dezan ziurtatzeko.
