Euskal Filologiako ikasketetan txit funtsezkoa den euskal idazle klasikoen azterketa ezin irakatsi ahal izango zen Patxi Altuna maisuak bere gain hartu eta landu izan ez balu; gure aurrekoen lan horiek berreskuratu ez ezik, sakon eta xehe aztertzen eta, zergatik ez?, maitatzen erakutsi baitigu bere eskoletatik pasatutako ikasleoi. Maitasun horrek eraman du bere ikerlana eskoletatik atera eta liburu nahiz artikulu itxuran jendartera zabaltzera, ondokoentzako oinarrizko lanabesak eskueran jartzera.