Jariakinen Mekanikako liburu hau, arlo honetan ingeniari teknikoek eta batez ere industrialek izango dituzten premiei begiratuta prestatu da. Aztertzen diren gaietako asko jariakin konprimaezinentzat (isurkarientzat) eta konprimagarrientzat (gas eta lurrinentzat) berdinak diren arren, aplikazioak jariakin konprimaezinentzat bakarrik dira eta konprimagarrientzakoak Termodinamikarako utzi dira. Horregatik du bere izenburua Turbomakina hidraulikoen atala erantso zaio. Izan ere, azken hiru kapituluek, halako multzoaren ideia aski osatua eskaintzen baitute: lehenik turbomakinena oro har, ponpa hidraulikoena gero eta turbina hidraulikoena azkenik. Testuaren garapenean, hala nahita, ihes egin zaio gai hauek oso berea izan ohi duten matematikazko jokoari. Alderantziz, ahaleginak egin dira era argi, sotil eta zorrotzez azaldu beharreko kontzeptuak adierazten.