Oinarrizko Hiztegi Juridiko hau Euskaltzaindiak argitaratutako Hiztegi Batuan oinarritzen da, hain zuzen ere, idatziz argitaratutako lehen itzuliko testuan (EUSKALTZAINDIA: «Hiztegi Batua», Euskera, 45. zk., 2000-2). Euskaltzaindiaren lan hori aintzat hartuta, euskarazko hizkera juridikoarentzat interesgarriak izan daitezkeen hitzak aztertu dira. Atarikoan esan legez, horietako gutxi batzuk zuzenbideko hizkeraren berezko hitzak dira; besteak, berriz, hizkera arruntekoak baina aldi berean lege kontuetarako behar-beharrezkoak. Horrela, Hiztegi Batua hustu eta, guztira, 2.000 sarrera eta azpisarrera aukeratu dira.
