Este volume contén unha selección dos relatorios que foron presentados na quinta edición do curso de Primavera da Facultade de Humanidades da Universidade de Santiago de Compostela (Campus de Lugo), que tivo lugar no mes de maio de 2009. Naquel evento tratáronse unha serie de cuestións que xiraban arredor da historia, vixencia e cumprimento dos dereitos humanos, así como da súa presenza en ambitos e lugares diversos da nosa realidade xeográfica, social e histórica. O título do curso, "Os dereitos humanos: unha ollada múltiple", é tamén o que se escolleu para esta publicación, a cal, recollendo o espírito do curso en sí, pretende reflectir, ante todo, o dinamismo que está na base da idea dos dereitos humanos como parte da propia historia da humanidade.
