TRIGO GARCIA, B.;FREIRE BARRAL, G.E.
Este caderno de casos prácticos xorde da experiencia adquirida nas dúas edicións do seminario Perspectiva práctica do dereito sucesorio galego, celebradas en Santiago de Compostela en 2009 e 2010. A súa finalidade é fundamentalmente didáctica, como complemento e apoio para a docencia da sucesión por causa de morte en Galicia. Ao respecto cómpre salientar a ausencia de manuais actualizados e a escaseza de obras xerais sobre dereito civil galego que poidan ser utilizadas para o estudio da materia. Esta realidade xustifica a incorporación no caderno de materiais complementarios formativos, de orientación e consulta. Agora ben, a vocación da obra é eminentemente práctica. Neste senso, o seu contido principal está constituído polos casos prácticos elaborados por profesionais altamente cualificados e especialistas na materia, característica que incrementa o interese e utilidade da obra para todas aquelas persoas que queiran aproximarse e profundar no estudo do dereito sucesorio galego.
